पुणे-सोलापूर हायवेवर भीषण अपघात; भरधाव डंपरने तरुणाचा जीव घेतला, चालक फरार – Hit and Run

On: April 26, 2026 7:25 AM

पुणे-सोलापूर महामार्गावर ‘Hit and Run’ ची धक्कादायक घटना

Pune Hit and Run : पुणे-सोलापूर महामार्गावर पुन्हा एकदा भीषण अपघाताची घटना समोर आली असून एका निष्पाप तरुणाचा दुर्दैवी मृत्यू झाला आहे. ही घटना लोणी काळभोर पोलीस ठाण्याच्या हद्दीत प्रगती मंगल कार्यालयासमोर घडली. भरधाव वेगात येणाऱ्या डंपरने दुचाकीला जोरदार धडक दिल्याने अपघात इतका गंभीर झाला की संबंधित तरुणाचा जागीच मृत्यू झाला.

मिळालेल्या माहितीनुसार, मंगळवार दिनांक २१ एप्रिल २०२६ रोजी दुपारी सुमारे १:५६ वाजता हा अपघात घडला. गौरीशंकर शिवराज सपळे (वय ३५) हे आपल्या दुचाकीवरून जात असताना अचानक वेगाने येणाऱ्या डंपरने त्यांच्या वाहनाला धडक दिली. या धडकेत ते गंभीर जखमी झाले आणि घटनास्थळीच त्यांचा मृत्यू झाला.

अपघातानंतर सर्वात धक्कादायक बाब म्हणजे, डंपर चालकाने जखमीला मदत करण्याऐवजी घटनास्थळावरून पळ काढला. त्यामुळे या प्रकरणाला ‘Hit and Run’ चे स्वरूप प्राप्त झाले आहे. या घटनेमुळे परिसरात संतापाचे वातावरण निर्माण झाले आहे.

मृत तरुण गौरीशंकर सपळे हे मूळचे धाराशिव जिल्ह्यातील उमरगा येथील रहिवासी होते, मात्र सध्या ते बारामती येथे राहत होते. त्यांच्या अचानक मृत्यूमुळे त्यांच्या कुटुंबावर दुःखाचा डोंगर कोसळला आहे. त्यांच्या भावाने या प्रकरणी लोणी काळभोर पोलीस ठाण्यात तक्रार दाखल केली आहे.

‘Hit and Run’ चा पोलिसांचा तपास सुरू; चालक अद्याप फरार

‘Hit and Run’ या प्रकरणी लोणी काळभोर पोलिसांनी डंपर चालकाविरुद्ध भारतीय न्याय संहिता (BNS) कलम २८१ आणि १०६ तसेच मोटर वाहन कायद्यानुसार कलम १३४, १८४ आणि ११९/१७७ अंतर्गत गुन्हा दाखल केला आहे. सध्या आरोपी चालक फरार असून त्याचा शोध घेण्यासाठी सीसीटीव्ही फुटेज तपासले जात आहेत.

‘Hit and Run’ या घटनेमुळे पुणे-सोलापूर महामार्गावरील सुरक्षेचा प्रश्न पुन्हा एकदा ऐरणीवर आला आहे. अवजड वाहनांचा वाढलेला वेग आणि निष्काळजीपणे वाहन चालवणे यामुळे अशा अपघातांची संख्या वाढत असल्याचे चित्र दिसत आहे. प्रशासनाने याकडे तातडीने लक्ष देणे आवश्यक असल्याची मागणी नागरिकांकडून केली जात आहे.